02 மே 2010

எப்போதும் நம் வசமே

எப்போதும் நம் வசமே
கொடுக்கப்பட்டிருக்கிறது

ஏதொன்றையும்
தேர்ந்து கொள்ளும்
உரிமை

வயோதிக வயதில்
வாய்க்குமொரு
உத்தியோக உயர்வோ

கடும் முதுகு வலியோடான
கார் பயணமொன்றோ

முழுதும் படபடப்புடன்
மேற்கொள்ள நேரும்
ஒரு சுற்றுலாவோ

அமைதியற்ற மனதுடன்
கூடிய
ஷாப்பிங் நாளொன்றோ

சிற்சில
பிழைகளோடான

சீரிய கவலையேதுமற்ற
ஒரு வாழ்வோ

சின்னச் சின்ன
சண்டைகளுடனோ

விழுந்தெழுந்த சில
காதல் நினைவுகளுடனோ

தேர்வதில் நிகழும்
அத்தனை
சாதக பாதகங்களுடன்

ஏதொன்றையும்
தேர்ந்து கொள்ளும்
உரிமை

எப்போதும் நம் வசமே
கொடுக்கப்பட்டிருக்கிறது.

o

6 கருத்துகள்:

  1. திண்ணையில் வாசித்தேன்.

    மிக அருமையான கவிதை.

    பதிலளிநீக்கு
  2. ஏதேனும் ஒன்றை கூட விலகி பார்க்க தோன்றவில்லை நண்பரே
    வேறன்ன சொல்வது ... எப்பொழுதும் போல் மிக மிக அருமை

    பதிலளிநீக்கு
  3. வழக்கம்போல, நானும், வேறென்ன சொல்ல வேல்கண்ணன்.
    மிக்க மகிழ்ச்சியும் நன்றியும்.

    பதிலளிநீக்கு